Oyunun məzmunu
Bu ərazi bir vaxtlar adi təlim məntəqəsi idi… ta ki naməlum infeksiya yayılana qədər. Bir neçə gün ərzində hər şey məhv oldu. İnsanlar yoxa çıxdı. Sağ qalanlar isə artıq insan deyil.
Bu ölümcül zonada 4 gizli bayraq yerləşdirilib.
Sizin məqsədiniz — həmin bayraqları tapmaq, onları sandığa yerləşdirmək və sandığın içində gizlədilmiş açarı əldə etməkdir. O açar köhnə qarajın qapısını açır. Qarajda isə bu lənətlənmiş ərazidən çıxmaq üçün yeganə maşın yerləşir.
Amma unutmayın…
Siz burada tək deyilsiniz.
Virusdan yoluxmuş insanlar artıq insan deyil.
Onlar qaranlıqda gizlənir.
Hər səs və işıq onları sizə yaxınlaşdıra bilər.
Bəzən hətta öz nəfəsinizi belə eşitmək istəməyəcəksiniz.
Ərazinin müxtəlif yerlərində xəritə parçaları gizlədilib. Əgər onları tapa bilsəniz, birləşdirərək bayraqların yerlərini öyrənə bilərsiniz. Amma vaxt sizin əleyhinizə işləyir…
Çünki zaman keçdikcə zombilər dəyişir.
Onlar daha sürətli, daha aqressiv və daha təhlükəli olurlar.
Xüsusiyyətlər və Qaydalar
- Rezerv edilmiş vaxtdan ən azı 15 dəqiqə öncə filiala yaxınlaşın.
- İştirakçılar oyundan öncə “məsuliyyətdən azad etmə” sənədini imzalamalıdır.
- Rezervi təxirə salmaq və ya vaxtını dəyişmək istəyirsinizsə, bunu ən qısa zamanda 070 888 02 22 nömrəsinə zəng edərək bildirin.
- Oyun tam olaraq rezerv etdiyiniz vaxtda başlayır. Gecikdiyiniz halda, təəssüf ki, oyun müddətiniz azalır.
- Oyunda daha rahat olmaq üçün yüngül köynək və dabansız ayaqqabı geyinməyiniz tövsiyə olunur.
- Oyunda iştirakına icazə verilməyən şəxslər: ürək problemi olanlar, panik atak və ciddi klaustrofobiyadan əziyyət çəkənlər, epilepsiyası olanlar və hamilə qadınlardır.
Oyunda seçə biləcəyiniz rejimlər
Hard
18+
Hard rejimdə həm aktyor olur, həm də yüngül toxunuşlar olur.
Ultra Hard
18+
Ultra Hard rejimdə aktyor və toxunuş olur, toxunuşlar sərt olur.
Yaş məhdudiyyətləri:
- Kiçik uşaqlar (6-14 yaş) üçün nəzərdə tutulan uşaq oyunlarına valideynsiz qatıla bilərlər. 14 yaşdan balaca uşaqlar qorxulu oyunlara qatılmaq istəsə, mütləq şəkildə böyüklər tərəfindən müşayiət olunmalıdır.
- Komandada böyüklərdən oyunçu yoxdur? Bizim əməkdaş uşaqlarla birlikdə kvesti keçəcək və hər şeyin qaydasında olmasına nəzarət edəcək.
- Xidmət 8-14 yaş arası oyunçuları olan bütün komandalar üçün mövcuddur. Seansın müşayiət olunma qiyməti - 10 AZN. Xidməti öncədən bildirin.
İlkin ödəniş:
Saat 22:00 və ondan sonrakı saatlarda oyuna gəlmək istəsəniz, komandanızda minimum 3 nəfər olmalıdır. Əgər sayınız 3 nəfərdən azdırsa, 3 nəfərin ödənişini edib gələ bilərsiniz. Həmçinin 20 AZN depozit ödəniş etməyiniz tələb olunur.