Oyunun məzmunu
Apokalipsisin qaranlıq dövründə zombi virusu dünyanın sonunu gətirib. Şəhərlər tərk edilib, həyat demək olar ki, yox olub. Amma bir gün tərk edilmiş metro xətlərindən qəribə siqnallar alındı. Bu siqnallar bəşəriyyətin son ümidinə işarə edir – bu, dünyanı xilas edəcək tək yol ola bilər.
Bir qrup cavan, ölümcül zombilər və qorxulu tunellərin arasından metroya enir. Məqsəd yalnız sağ qalmaq deyil; metroda gizlənmiş texnoloji qurğular və keçmişdən qalan sirlər dünyanı xilas edəcək cavabı daşıyır. Hər addımda komanda üzvləri yalnız zombilərlə deyil, metroda gizlənən daha böyük və daha qorxulu təhlükələrlə qarşılaşır.
İndi bu yolda tək deyilsiniz.
Metroda gizlənmiş sirr bəşəriyyətin gələcəyini dəyişdirə bilər. Bəs siz bu təhlükələrə qarşı mübarizə aparmağa hazırsınızmı? Zombilərə qarşı döyüşmək, qaranlıq keçmişi ortaya çıxarmaq və dünyanı xilas etmək – hər şey sizin əlinizdədir!
Xüsusiyyətlər və Qaydalar
- Rezerv edilmiş vaxtdan ən azı 15 dəqiqə öncə filiala yaxınlaşın.
- İştirakçılar oyundan öncə “məsuliyyətdən azad etmə” sənədini imzalamalıdır.
- Rezervi təxirə salmaq və ya vaxtını dəyişmək istəyirsinizsə, bunu ən qısa zamanda 070 888 02 22 nömrəsinə zəng edərək bildirin.
- Oyun tam olaraq rezerv etdiyiniz vaxtda başlayır. Gecikdiyiniz halda, təəssüf ki, oyun müddətiniz azalır.
- Oyunda daha rahat olmaq üçün yüngül köynək və dabansız ayaqqabı geyinməyiniz tövsiyə olunur.
- Oyunda iştirakına icazə verilməyən şəxslər: ürək problemi olanlar, panik atak və ciddi klaustrofobiyadan əziyyət çəkənlər, epilepsiyası olanlar və hamilə qadınlardır.
Oyunda seçə biləcəyiniz rejimlər
Light
Hər kəs
Light rejimdə aktyor olmur. Hər kəs iştirak edə bilər, 14 yaşdan kiçik uşaqlar mütləq valideyn müşayiəti ilə girməlidir.
Standart
14+
Standart rejimdə aktyor olur, sizi qorxudur, lakin sizə toxunmur. Hər kəs iştirak edə bilər.
Qeyd: 14 yaşdan kiçik uşaqlar standart oyunda iştirak üçün valideyn müşayəti ilə olmalıdır.
Hard
18+
Hard rejimdə həm aktyor olur, həm də yüngül toxunuşlar olur.
Ultra Hard
18+
Ultra Hard rejimdə aktyor və toxunuş olur, toxunuşlar sərt olur.
Yaş məhdudiyyətləri:
- Kiçik uşaqlar (6-14 yaş) üçün nəzərdə tutulan uşaq oyunlarına valideynsiz qatıla bilərlər. 14 yaşdan balaca uşaqlar qorxulu oyunlara qatılmaq istəsə, mütləq şəkildə böyüklər tərəfindən müşayiət olunmalıdır.
- Komandada böyüklərdən oyunçu yoxdur? Bizim əməkdaş uşaqlarla birlikdə kvesti keçəcək və hər şeyin qaydasında olmasına nəzarət edəcək.
- Xidmət 8-14 yaş arası oyunçuları olan bütün komandalar üçün mövcuddur. Seansın müşayiət olunma qiyməti - 10 AZN. Xidməti öncədən bildirin.
İlkin ödəniş:
Saat 22:00 və ondan sonrakı saatlarda oyuna gəlmək istəsəniz, komandanızda minimum 3 nəfər olmalıdır. Əgər sayınız 3 nəfərdən azdırsa, 3 nəfərin ödənişini edib gələ bilərsiniz. Həmçinin 20 AZN depozit ödəniş etməyiniz tələb olunur.
екатерина кузнецова
1 gün əvvəl
Актеры очень страшные, эмоции захватывает. Всем советую
İnna
1 gün əvvəl
Oyun əla, akterlara söz ola bilməz. Scream dan sonra ən sevdiyim oyun
Kənan
1 həftə əvvəl
Квест был очень интересным, локация была пугающим и атмосферным . А актерам отдельный респект за их реалистичную игру. И спасибо ресепшину за обратную связь